Hierdie vyfdagrit word teen ‘n gemaklike, ontspanne pas afgelê en dek ‘n totale afstand van 130km. Ons spandeer die tyd aan die voetheuwels van die Swartberge met Oudtshoorn as vertrekpunt. Die roete volg agterpaaie en plaaspaaie. Die plantegroei en natuurskoon is iets om te aanskou met die Swartberge wat heelpad in die agtergrond saamreis. Op ‘n plaas spandeer ons ‘n volle dag en verken die bergroetes op hierdie pragtige plaas. Ons word ook bederf deur ouwêreldse gasvryheid. Voordat ons terugkeer na Oudtshoorn, besoek ons die olyfplaas, de Rustica.